Ekitaldia irailaren 14an egin zen Bilboko Euskalduna Jauregian
NAUKAS (zientzia, eszeptizismoa eta umorea) https://naukas.com/da gaztelaniaz zientzia zabaltzeko online plataformarik handiena. Aurten, UPV-EHUko Kultura Zientifikoko Katedraren laguntzarekin, Bilbok NAUKAS hamahirugarren edizioa hartu zuen lau egunez Euskalduna Jauregian.
Borja García-Lorenzok, Biosistemak Institutuko Osasun-ekonomialariak, NAUKAS PROren saio monografikoan parte hartu zuen. Saio horren helburua ikerketa-zentroek osasunaren arloan aurrera egiteko egiten duten lanari balioa ematea izan zen. Saio horretan, Biosistemak erakundeaz gain, Bioaraba, Biobizkaia eta Biogipuzkoako osasun-ikerketako institutuetako eta Osakidetzako ikertzaileek parte hartu zuten.
Biosistemak-eko Osasun Ekonomialariak NAUKAS PROn egindako hitzaldiak, Ez da ebidentzia enpirikorako herrialdea izenekoak, 16/2012 Errege Lege Dekretua hartzen du oinarri gisa, osasunaren arloko finantzaketari buruzko erabakiak eraginkortasun-irizpidearen arabera hartu behar direla ezartzen baitu. Osasun-arloko esku-hartze bat eraginkorra izango da, baldin eta osasun-arloan irabazi handiagoak sortzen baditu, finantzatua izateko sistemaren funtsak kentzeak eragingo lituzkeen osasun-galerak baino.
Azalpenean azaldu zen osasun-ekonomialariek kostu-eraginkortasun analisia erabiltzen dutela osasun-arloko esku-hartze bat eraginkorra den argitzeko metodologia gisa. Tresna horrek berekin dakar osasun-arloko kostuak eta emaitzak kontuan hartzea esku-hartze sanitario berri baten sistemari dagokionez. Kostu-eraginkortasun analisia erabakiak hartzeko tresna baliagarria izan dadin, beharrezkoa da erreferentzia bat izatea, osasun-arloko esku-hartze bat eraginkorra den ondorioztatzeko. Zifra horri efizientzia-atalase edo kostu-eraginkortasun atalase esaten zaio.
Osasun-sistemek kostu-eraginkortasun atalaseak erabili izan dituzte tradizioz, ebidentzia enpirikoan oinarririk gabe eta nolabaiteko jatorri arbitrarioarekin. Duela urte batzuk, osasun-ekonomialarien talde batek Espainian ebidentzia enpirikoan oinarritutako kostu-eraginkortasun atalase bat zenbatesteko beharra iradoki zuen, eta, azkenean, guarismo bat argitaratuz amaitu zuen bere iradokizuna. Urte batzuk geroago, zirkulartasun poetikora joz, kostu-eraginkortasun atalasearen inguruan eskura zegoen ebidentzia enpirikoaren erabilerari pultsua hartzeko bildu ziren, eta aurkitutako panoramak ponentzia honen izenburua aipatzea eragin zien: ¡No es país para evidencia empírica!
Esteka honetan ikus dezakezu hitzaldi-bideoa:
