Zientzia, Teknologia eta Berrikuntzaren Euskal Sarea (ZTBES) egokitzea, antolatzea eta eguneratzea da Euskadi 2020 2020 Zientzia, Teknologia eta Berrikuntza Planaren palanka nagusietako bat. Prozesu horren helburua da, lortutako esperientzian oinarrituta, eragile bakoitzaren helburuak eta posizionamendu zehatza zehaztea, espezializazioari, bikaintasunari eta I+G+Bren balio-kateko egoerari dagokienez. Hori guztia Zientzia, Teknologia eta Berrikuntzaren Euskal Sareko eragileen eraginkortasuna eta emaitzetarako orientazioa handitzeko eta Euskal Autonomia Erkidegoko ekoizpen- eta gizarte-ehunari egiten dioten balio-ekarpena hobetzeko, lankidetzaren eta osagarritasunaren bidez.

Agente-tipologiak ZTBESren ordenamenduan daude araututa, eta bertan definitzen dira osatzen dutenak. Sare horretako Agenteen Erregistro Publikoak antolatzen du. (109/2015 Dekretua, ekainaren 23koa, 2015eko uztailaren 16ko EHAA).

Biosistemak Institutua ZTBESeko agentea da 2012tik. 2012ko urriaren 19an, Teknologia, Berrikuntza eta Lehiakortasuneko sailburuordeak une hartan Biosistemak Osasun Sistemetako Ikerketa Erakundea ZTBESn sartutako agente zientifiko teknologiko gisa kreditatu zuen. Hala, Ikerketa eta Garapen Sanitarioko Unitatetzat (I+G) hartu zen, urriaren 1eko 221/2002 Dekretuak eratutako Agente Zientifiko Teknologikoen tipologiaren esparruan.10

2016ko urtarrilaren 7an, Biosistemak Euskal Sareko Agente Zientifiko Teknologiko gisa berrakreditatu zen I+G Erakunde Sanitario kategorian. 2019an, Biosistemak Institutuak sarean Euskal Sareko Agente Zientifiko Teknologiko gisa berrakreditatzeko eskatu du Ikerketa Sanitarioko Zentroaren kategorian (CIS), ZTBESen osaera arautzen eta eguneratzen duen ekainaren 23ko 109/2015 Dekretuaren 22.2 artikuluan zehaztutakoarekin bat etorriz.

Biosistemak Akreditazioa ZTBESen