ADLIFE proiektuak gaixotasun kroniko aurreratuak dituzten pazienteei zuzendutako soluzio digitalaren eraginkortasuna, inpaktu sozioekonomikoa eta inplementazioa ebaluatuko ditu.
ADLIFE, Kronikgunek Europa mailan koordinatua eta Europako Batzordeak finantzatua, gaixotasun koniko aurreratuak dituzten pertsonen osasun-baliabideen erabilera eta asistentzia-karga areagotzeari buruzkoa da. ADLIFE soluzio digitala da, pazienteari, zaintzaileari eta osasun-profesionalei arreta digitala, integratua eta pertsonalizatua ematen diena, partekatutako erabaki klinikoak babestuz eta independentzia eta autokudeaketa sustatuz. ADLIFE esku-hartzearen helburua da pazientearen narriadura funtzionala moteltzea, haren bizi-kalitatea bermatzea eta erabakiak partekatzea sustatzea, eta, aldi berean, zaintzailearen karga murriztea, profesional sanitarioen lantaldearen lan-baldintzak hobetzea eta baliabide sanitarioen erabilera optimizatzea.
ADLIFE interbentzioa, ia esperimentala, multizentrikoa, ausazkoa ez dena eta kontrolatua, ezaugarri desberdinak dituzten zazpi testuinguru eta zetru pilotutan implementatuko da: Euskadin (Osakidetza), Erresuma Batuan (National Health Service Lanarkshire eta University Hospitals Coventry & Warwickshire National Health Service Trust), Danimarkan (Odenseko Unibertsitate Ospitalea), Alemanian (Gesunder Werra-Mei￮ kreis), Suedian (Region Jämtland Härjedalen) eta Israelen (Assuta Ashdod Hospital – Maccabi Healthcare Services Southern Region).
International Journal of Environmental Research and Public Health (Q1; IF: 4.6) argitaratutako ADLIFEren ebaluazio-protokoloak teknologiaren eraginkortasuna, inplementazioa eta onarpena aztertzeko egingo den ebaluazio-diseinua deskribatzen du, baita eragin sozioekonomikoa ere, ohiko praktika klinikoarekin alderatuta. Horretarako, ikuspegi mistoa ezarriko da, metodo kuantitatiboak eta kualitatiboak erabiliz. Artikulu honek oinarriak ezartzen ditu etorkizunean ebidentzia zientifikoa emateko, osasun-sistemek beren ohiko praktika klinikoan hartu behar duten erabakiari dagokionez.
Ebaluazio protokoloa irakurri nahi baduzu klikatu ondorengo estekan: https://www.mdpi.com/1660-4601/20/4/3152
Proiektuari buruz gehiago jakin nahi baduzu, bisitatu bere webgunea: https://adlifeproject.com/
