Biltzarra 2023ko irailaren 11tik 15era bitartean egingo da, formatu hibridoan, EHUren udako ikastaroen programaren barruan.
Osasun Digitalari buruzko Kongresuaren hamargarren edizioa Osasun Digital Elkarteak eta Signo Fundazioak antolatu dute, eta Balioan Oinarritutako Osasun Digitalean egindako aurrerapenak ditu ardatz. Bost egunez, hainbat ingurunetan ikasitako esperientziak eta ikasgaiak partekatuko dituzte gaian adituak diren pertsonek, osasun-arretaren eraldaketa digitalean aurrera egiten jarraitzeko. Ekitaldia informazioaren eta komunikazioaren teknologietan zentratzen da, osasunaren autozaintza eta asistentziaren kalitatea hobetzeko eta osasun-sistemen eraginkortasuna optimizatzeko aukera ematen duten tresnak.
Konferentziaren helburua da ezagutza-sareak sortzea eta sinergiak baliatzea lankidetza berriak ezartzeko eta proiektu berritzaileak diseinatzeko, teknologiak eskaintzen dituen aukerak erabiliz asistentzia-kalitatea, pazientearen esperientzia eta osasun-sistemaren iraunkortasuna hobetzeko.
2023ko irailaren 14an, Biosistemak (lehen Kronikgune) erakundeko zuzendari zientifikoak “Osasun datuen bigarren mailako erabilera” mahai-ingurua egingo du. Bertan, arlo hori lantzen ari diren proiektu batzuk aurkeztuko dira eta gai horri buruz eztabaidatuko da.
Osasun Digitalari buruzko X. Biltzarraren programa hobeto ezagutu nahi baduzu, egin klik esteka honetan: https://www.uik.eus/eu/jarduera/x-congreso-internacional-salud-digital
