Biltzarra 2022ko azaroaren 1etik 3ra bitartean egingo da Bostonen (Estatu Batuak).
ICHOM Osasunaren Emaitzak Neurtzeko Nazioarteko Kongresua da eta bere 10. urteurrena ospatzen du. Balioan oinarritutako arretari buruzko mundu mailako kongresurik garrantzitsuena da. Hiru egunez, biltzarrak osasun-sistema ezberdinetako ordezkaritzak, arreta-hornitzaileak, pazienteen elkarteak, industria eta ikerketa-zentroak bilduko ditu, osasun-sistemen etorkizunarekin lotutako gaietan sakontzeko, balioan oinarritutako arreta-eredu berriari, egungo erronka demografiko, epidemiologiko eta sozialei, konponbide eta zerbitzu digitalen potentzialari, bidezko arreta inklusiboari edo finantzaketa-eredu berriei dagokienez, besteak beste.
Kronikguneko Koordinatzaile Zientifikoa, Ane Fullaondo, kongresuko Aholku Batzordeko kidea izan da (https://conference.ichom.org/cpac/). Gainera, konferentzian VOICE Europako Ikaskuntza Erkidegoari buruzko berariazko saio batean parte hartuko du. Europako 13 ospitalek osatzen dute komunitate hori, eta osasun-zerbitzuak, berrantolatzean, pazienteari balio handieneko arreta ematera bideratu nahi ditu, kosturik onenean. Bularreko eta biriketako minbizia duten pazienteei zuzenduta, proiektuak esparru estrategiko berritzaile berri bat sortu nahi du, Europan paziente horientzako balioan oinarritutako medikuntza-ereduan oinarrituta. Saioan zehar, ospitaleen artean benchmarking bat egin ahal izateko egindako prozesu metodologikoa partekatuko da. Era berean, garatzen ari den plataforma eta komunitatearen aurretiazko emaitzak erakutsiko dira bularreko minbizia duten pazienteei dagokienez, pazienteen pertzepzioan (Patient-Related Outcomes PROMs, ingelesezko siglak) eta asistentzia-prozesuaren baliabide eta adierazleen erabileran oinarrituta.
Gotzone Sagardui Eusko Jaurlaritzako Osasuneko sailburua ere biltzarrean izan da, Osasun Saileko ordezkaritza batekin batera. Sailburuak mahai-inguru batean parte hartuko du mundu mailako beste agintari batzuekin batera. Bertan, Euskal Osasun Sistema aurkeztuko du, bai eta Euskaditik osasunaren arloan eta, zehazkiago, balioan oinarritutako medikuntzaren arloan garatzen ari diren ekimenak ere, pazienteen gogobetetasuna eta segurtasuna barne.
Kongresuaren programa ezagutu nahi baduzu, egin klik esteka honetan: https://conference.ichom.org/
