AES (Asociación Economía de la Salud gasteleraz) Osasun Ekonomiako Elkarteak antolatutako jardunaldiak urtarriletik ari dira ospatzen eta ekainera bitartean iraungo dute.
“Berehalakotasuna eta etorkizuna uztartzea osasunean, gizarte-politiketan eta ekonomian” lelopean, Osasunaren Ekonomiari buruzko XL Jardunaldiak hileroko topagunea izaten ari dira Estatuko ikertzaileentzat, kudeatzaileentzat, profesionalentzat eta, batez ere, osasun-ekonomialarientzat. Jardunaldi horien helburua da gaur egungo tentsioek osasun-, ekonomia– eta gizarte-sisteman epe laburrera eta luzera dituzten ondorioak hainbat ikuspegitatik eztabaidatu ahal izatea. Horretarako, sei saioko programa bat eta saio ireki bat antolatu dira, eztabaida-mahai eta ponentziekin, honako gai hauei buruz: krisi sanitarioa, soziala eta ekonomikoa; politika publikoak; osasun mentala; adimen artifizialaren ebaluazioa; mendekotasuna duten pertsonen finantzaketa; edo 80 urtetik gorako pertsonen bizi-kalitatea nola hobetzen dugun.
Kronikgunek apirilaren 29an ospatutako “Adimen artifiziala ebaluatuz: egokia al da osasun-teknologiak ebaluatzeko ikuspegi metodologiko tradizionala aplikatzea?” saioan parte hartu du. Jardunaldi honetan Adimen Artifizialak (AA , IA inglesez) sektore guztietan (osasuna barne) izan duen garrantziari heldu nahi izan zitzaion. “Kostuaren eta eraginkortasunaren arteko atalasea ebaluazio ekonomikoa bilatzen du, osasuneko finantzaketa-erabakiak hartzen laguntzeko” izenburupean, Kronikguneko Osasunaren Ekonomistak parte hartzen ari den proiektua aurkeztu du, Espainiako eta Australiako hainbat erakunderi lotutako osasun-ekonomialariz osatutako talde bat. Proiektu honek ebidentzia enpirikoan oinarritutako kostu-eraginkortasun atalaseen erabilera aztertu nahi du, duela gutxi egindako osasun-arloko ebaluazio ekonomikoetan. Kronikgunek, osasun-arloko ebaluazio-kulturaren sustatzaileak, aktiboki parte hartzen du analisi honetan eta artearen egoeraren bilaketan, ebidentzia enpirikoaren oinarriak aurkitzeko, osasun-arloko finantzaketa-erabakiak hartzeko.
Kronikgunek jardunaldia AESren webgunean (2021/05/26) aurkeztearekin lotutako ekarpen bat egin du: http://www.aes.es/blog/2021/05/26/umbral-busca-evaluacion-economica-para-apoyar-la-toma-de-decisiones/
AESko XL jardunaldiei buruz gehiago jakin nahi baduzu, bisitatu webgune ofiziala: http://www.aes.es/jornadas/es/
