Ekitaldia 2022ko maiatzaren 23tik 25era egingo da Odensen, Danimarkan.
Arreta Integratuari buruzko Nazioarteko 22. Konferentzia Arreta Integratuko Nazioarteko Fundazioak (The International Foundation of Integrated Care, IFIC ingelesezko siglak) antolatuko du, Danimarka Hegoaldeko Eskualdearekin, Odenseko Unibertsitate Ospitalearekin, Odenseko Udalarekin, Odenseko Campusarekin eta Destination FYNrekin lankidetzan. Urtero bezala, hainbat herrialdetako ikertzaileak, kudeatzaileak, osasun-profesionalak eta zuzendaritza-taldeak bilduko ditu, arlo publikoan zein pribatuan osasun eta gizarte-laguntzako zerbitzu eta eredu integratuak eskaintzeko lanean ari direnak. Nabarmentzekoa da Danimarka herrialde aurreratuenetako bat dela osasun-zerbitzu integratuen arloan.
22.edizioa formatu hibridoan antolatuko da, eta, beraz, bertaratzen direnei fisikoki elkartzeko aukera emateaz gain, bidaiatu ezin dutenek online jarraitu ahal izango dute hitzaldia. Jakob Skaarup Nielsen Healthcare DENMARK Catalunyako zuzendari nagusiak egingo die ongietorria bertaratutakoei.
Bertaratzeko eta lanak aurkezteko interesa dutenek 2021eko azaroaren 30era arteko epea dute laburpenak bidaltzeko. Jasotako lan guztiak konferentziako Batzorde Zientifikoak berrikusiko ditu, arreta integratuaren politikaren eta praktikaren arloan liderrak diren nazioarteko adituek osatuta. Onartutako laburpenak International Journal of Integrated Care aldizkarian argitaratuko dira, 2.500 irakurletik gorako inpaktua duena.
Lanak aurkezteko baldintzak konferentziaren webgune ofizialean daude eskuragarri: https://integratedcarefoundation.org/events/icic22-22nd-international-conference-on-integrated-care
#ICIC22 #Zainketa integratua @IFICinfo
